(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 200

॥ శ్రీః ॥
1.200. అధ్యాయః 200
(అథ స్వయంవరపర్వ ॥ 12 ॥)
Mahabharata - Adi Parva - Chapter Topics
మధ్యేమార్గం ఆగతస్య వ్యాసస్య ఆజ్ఞయా పాండవానాం ద్రుపదపురప్రవేశః॥ 1 ॥
తేషాం కుంభకారగృహే వాసః, భైక్షవృత్తిశ్చ॥ 2 ॥
ద్రౌపద్యాః స్వయంవరనిర్మాణకారణకథనం॥ 3 ॥
ద్రుపదేన కృతాం స్వయంవరఘోషణాం శ్రుతవతాం క్షత్రియాదీనాం ఆగమనం॥ 4 ॥
సర్వేషాం ఉచితే స్థానే ఉపవేశనం పాండవానాం బ్రాహ్మణమధ్యే ఉపవేశనం॥ 5 ॥
మంగలస్నాతాయాః స్వలంకృతాయా ద్రౌపద్యా రంగమధ్యే ఆగమనం॥ 6 ॥
ధృష్టద్యుంనేన లక్ష్యవేధపణకథనం॥ 7 ॥
Mahabharata - Adi Parva - Chapter Text

వైశంపాయన ఉవాచ। 1-200-0x(1129)(8848)
తతస్తే నరశార్దూలా భ్రాతరః పంచ పాండవాః।
తం బ్రాహ్మణం పురస్కృత్య పాంచాల్యాశ్చ స్వయంవరం।
ప్రయయుర్ద్రౌపదీం ద్రష్టుం తం చ దేశం మహోత్సవం॥ 1-200-1(8849)
తతస్తే తం మహాత్మానం శుద్ధాత్మానమకల్మషం।
దదృశుః పాండవా వీరాః పథి ద్వైపాయనం తదా॥ 1-200-2(8850)
తస్మై యథావత్సత్కారం కృత్వా తేన చ సత్కృతాః।
కథాంతే చాభ్యనుజ్ఞాతాః ప్రయయుర్ద్రుపదక్షయం॥ 1-200-3(8851)
పశ్యంతో రమణీయాని వనాని చ సరాంసి చ।
తత్రతత్ర వసంతశ్చ శనైర్జగ్ముర్మహరాథాః॥ 1-200-4(8852)
స్వాధ్యాయవంతః శుచయో మధురాః ప్రియవాదినః।
ఆనుపూర్వ్యేణ సంప్రాప్తాః పాంచాలాన్పాండునందనాః॥ 1-200-5(8853)
తే తు దృష్ట్వా పురం తచ్చ స్కంధావారం చ పాండవాః।
కుంభకారస్య శాలాయాం నివాసం చక్రిరే తదా॥ 1-200-6(8854)
తత్ర భైక్షం సమాజహ్రుర్బ్రాహ్మణీం వృత్తిమాశ్రితాః।
తాన్సంప్రాప్తాంస్తథా వీరాంజజ్ఞిరే న నరాః క్వచిత్॥ 1-200-7(8855)
`యజ్ఞసేనస్తు పాంచాలో భీష్మద్రోమకృతాగసం।
జ్ఞాత్వాఽఽత్మానం తదారేభే త్రాణాయాత్మక్రియాం క్షమాం॥ 1-200-8(8856)
అవాప్య ధృష్టద్యుంనం హి న స ద్రోణమచింతయత్।
స తు వైరప్రసంగాచ్చ భీష్మాద్భయమచింతయత్॥ 1-200-9(8857)
కన్యాదానాత్తు శరణం సోఽమన్యత మహీపతిః।'
యజ్ఞసేనస్య కామస్తు పాండవాయ కిరీటినే॥ 1-200-10(8858)
దాస్యామి కృష్మామితి వై న చైనం వివృణోతి సః।
`జామాతృబలసంయోగం మేనే హి బలవత్తరం॥' 1-200-11(8859)
సోఽన్వేషమాణః కౌంతేయాన్పాంచాలో జనమేజయ।
దృఢం ధనురథానంయం కారయామాస భారత॥ 1-200-12(8860)
`వైయాఘ్రపద్యస్యోగ్రం వై సృంజయస్య మహీపతిః।
తద్ధనుః కింధురం నామ దేవదత్తముపానయత్॥ 1-200-13(8861)
ఆయసీ తస్య చ జ్యాఽఽసీత్ప్రతిబద్ధా మహాబలా।
న తు జ్యాం ప్రసహేదన్యస్తద్ధనుఃప్రవరం మహత్॥ 1-200-14(8862)
శంకరేణ వరం దత్తం ప్రీతేన చ మహాత్మనా।
తన్నిష్ఫలం స్యాన్న తు మే ఇతి ప్రామాణ్యమాగతః॥ 1-200-15(8863)
మయా కర్తవ్యమధునా దుష్కరం లక్ష్యవేధనం।
ఇతి నిశ్చిత్య మనసా కారితం లక్ష్యముత్తమం॥' 1-200-16(8864)
యంత్రం వైహాయసం చాపి కారయామాస కృత్రిమం।
తేన యంత్రేణ సహితం రాజఁల్లక్ష్యం చ కాంచనం॥ 1-200-17(8865)
ద్రుపద ఉవాచ। 1-200-18x(1130)
ఇదం సజ్యం ధనుః కృత్వా సజ్జైరేభిశ్చ సాయకైః।
అతీత్య లక్ష్య యో వేద్ధా స లబ్ధా మత్సుతామితి॥ 1-200-18(8866)
వైశంపాయన ఉవాచ। 1-200-19x(1131)
ఇతి స ద్రుపదో రాజా స్వయంవరమఘోషయత్।
తచ్ఛ్రుత్వా పార్థివాః సర్వే సమీయుస్తత్ర భారత॥ 1-200-19(8867)
ఋషయశ్చ మహాత్మానః స్వయంవరదిదృక్షవః।
దుర్యోధనపురోగాశ్చ సకర్ణాః కురవో నృప॥ 1-200-20(8868)
`యాదవా వాసుదేవేన సార్ధమంధకవృష్ణయః।'
తతోఽర్చితా రాజగుణా ద్రుపదేన మహాత్మనా॥ 1-200-21(8869)
ఉపోపవిష్టా మంచేషు ద్రష్టుకామాః స్వయంవరం।
`బ్రాహ్మణాశ్చ మహాభాగా దేశేభ్యః సముపాగమన్॥ 1-200-22(8870)
బ్రాహ్మణైరేవ సహితాః పాండవాః సముపావిశన్।
త్రయస్త్రింశత్సురాః సర్వే విమానైర్వ్యోంన్యవస్థితాః॥ 1-200-23(8871)
తతః పౌరజనాః సర్వే సాగరోద్ధూతనిఃస్వనాః।
శింశుమారశిరః ప్రాప్య న్యవిశంస్తే స్మ పార్థివాః॥ 1-200-24(8872)
ప్రాగుత్తరేణ నగరాద్భూమిభాగే సమే శుభే।
సమాజవాటః శుశుభే భవనైః సర్వతో వృతః॥ 1-200-25(8873)
ప్రాకారపరిఖోపేతో ద్వారతోరణమండితః।
వితానేన విచిత్రేణ సర్వతః సమలంకృతః॥ 1-200-26(8874)
తూర్యౌఘశతసంకీర్ణః పరార్ధ్యాగురుధూపితః।
చందనోదకసిక్తశ్చ మాల్యదామోపశోభితః॥ 1-200-27(8875)
కైలాసశిఖరప్రఖ్యైర్నభస్తలవిలేఖిభిః।
సర్వతః సంవృతః శుభ్రైః ప్రాసాదైః సుకృతోచ్ఛ్రయై॥ 1-200-28(8876)
సువర్ణజాలసంవీతైర్మణికుట్టిమభూషణైః।
సుఖారోహణసోపానైర్మహాసనపరిచ్ఛదైః॥ 1-200-29(8877)
స్రగ్దామసమవచ్ఛన్నైరగురూత్తమవాసితైః।
హంసాంశువర్ణైర్బహుభిరాయోజనసుగంధిభిః॥ 1-200-30(8878)
అసంబాధశతద్వారైః శయనాసనశోభితైః।
బహుధాతుపినద్ధాంగైర్హిమవచ్ఛిఖరైరివ॥ 1-200-31(8879)
తత్ర నానాప్రకారేషు విమానేషు స్వలంకృతాః।
స్పర్ధమానాస్తదాఽన్యోన్యం నిషేదుః సర్వపార్థివాః॥ 1-200-32(8880)
తత్రోపవిష్టాందదృశుర్మహాసత్వాన్పృథగ్జనాః।
రాజసింహాన్మహాభాగాన్కృష్ణాగురువిభూషితాన్॥ 1-200-33(8881)
మహాప్రసాదాన్బ్రాహ్మణ్యాన్స్వరాష్ట్రపరిరక్షిణః।
ప్రియాన్సర్వస్య లోకస్య సుకృతైః కర్మభిః శుభైః॥ 1-200-34(8882)
మంచేషు చ పరార్ద్ధ్యేషు పౌరజానపదా జనాః।
కృష్ణాదర్శనసిద్ధ్యర్థం సర్వతః సముపావిశన్॥ 1-200-35(8883)
బ్రాహ్మణైస్తే చ సహితాః పాండవాః సముపావిశన్।
ఋద్ధిం పంచాలరాజస్య పశ్యంతస్తామనుత్తమాం॥ 1-200-36(8884)
తతః సమాజో వవృధే స రాజందివసాన్బహూన్।
రత్నప్రదానబహులః శోభితో నటనర్తకైః॥ 1-200-37(8885)
వర్తమానే సమాజే తు రమణీయేఽహ్ని షోడశే।
`మైత్రే ముహూర్తే తస్యాశ్చ రాజదారాః పురావిదః।
పుత్రవత్యః సువసనాః ప్రతికర్మోపచక్రముః॥ 1-200-38(8886)
వైడూర్యమయపీఠే తు నివిష్టాం ద్రౌపదీం తదా।
సతూర్యం స్నాపయాంచక్రుః స్వర్ణకుంభస్థితైర్జలైః॥ 1-200-39(8887)
తాం నివృత్తాభిషేకాం చ దుకూలద్వయధారిణీం।
నిన్యుర్మణిస్తంభవతీం వేదిం వై సుపరిష్కృతాం॥ 1-200-40(8888)
నివేశ్య ప్రాఙ్ముఖీం హృష్టాం విస్మితాక్ష్యః ప్రసాధికాః।
కేనాలంకరణేనేమామిత్యన్యోన్యం వ్యలోకయన్॥ 1-200-41(8889)
ధూపోష్మణా చ కేశానామార్ద్రభావం వ్యపోహయన్।
బబంధురస్యా ధంమిల్లం మాల్యైః సురభిగంధిభిః॥ 1-200-42(8890)
దూర్వామధూకరచితం మాల్యం తస్యా దదుః కరే।
చక్రుశ్చ కృష్ణాగరుణా పత్రసంగం కుచద్వయే॥ 1-200-43(8891)
రేజే సా చక్రవాకాంకా స్వర్ణదీర్ఘా సరిద్వరా।
అలకైః కుటిలైస్తస్యా ముఖం వికసితం బభౌ॥ 1-200-44(8892)
ఆసక్తభృంగం కుసుమం శశింబింబం జిగాయ తత్।
కాలాంజనం నయనయోరాచారార్థం సమాదధుః॥ 1-200-45(8893)
భూషణం రత్నఖచితైరలంచక్రుర్యథోచితం।
మాతా చ తస్యాః పృషతీ హరితాలమనశ్శిలాం॥ 1-200-46(8894)
అంగులీభ్యాముపాదాయ తిలకం విదధే ముఖే।
అలంకృతాం వధూం దృష్ట్వా యోషితో ముదమాయయుః॥ 1-200-47(8895)
మాతా న ముముదే తస్యాః పతిః కీదృగ్భవిష్యతి।
సౌవిదల్లాః సమాగంయ ద్రుపదస్యాజ్ఞయా తతః॥ 1-200-48(8896)
ఏనామారోపయామాసుః కరిణీం కుచభూషితాం।
తతోఽవాద్యంత వాద్యాని మంగలాని దివి స్పృశన్॥ 1-200-49(8897)
విలాసినీజనాశ్చాపి ప్రవరం కరిణీశతం।
మాంగల్యగీతం గాయంత్యః పార్స్వయోరుభయోర్యయుః॥ 1-200-50(8898)
జనాపసరణే వ్యగ్రాః ప్రతిహార్యః పురా యయుః।
కోలాహలో మహానాసీత్తస్మిన్పురవరే తదా॥ 1-200-51(8899)
ధృష్టద్యుంనో యయావగ్రే హయమారుహ్య భారత।
ద్రుపదో రంగదేశే తు బలేన మహతా యుతః॥ 1-200-52(8900)
తస్థౌ వ్యూహ్య మహానీకం పాలితం దృఢధన్విభిః।'
ఆప్లుతాంగీం సువసనాం సర్వాభరణభూషితాం॥ 1-200-53(8901)
మాలాం చ సముపాదాయ కాంచనీం సమలంకృతాం।
`ఆగతాం దదృశుః సర్వే రంగభూమిమలంకృతాం॥' 1-200-54(8902)
అవతీర్ణా తతో రంగం ద్రౌపదీ భరతర్షభ।
`తస్థౌ ప్రముదితాన్సర్వాన్నృపతీన్రంగమండలే।
ప్రేక్షంతీ వ్రీడితాపాంగీ ద్రష్టృణాం సుమనోహరా॥' 1-200-55(8903)
పురోహితః సోమకానాం మంత్రవిద్బ్రాహ్మణః శుచిః।
పరిస్తీర్య జుహావాగ్నిమాజ్యేన విధివత్తదా॥ 1-200-56(8904)
సంతర్పయిత్వా జ్వలనం బ్రాహ్మణాన్స్వస్తి వాచ్య చ।
వారయామాస సర్వాణి వాదిత్రాణి సమంతతః॥ 1-200-57(8905)
నిఃశబ్దే తు కృతే తస్మింధృష్టద్యుంనో విశాంపతే।
కృష్ణామాదాయ విధివన్మేఘదుందుభినిఃస్వనః॥ 1-200-58(8906)
రంగమధ్యం గతస్తత్ర మేఘగంభీరయా గిరా।
వాక్యముచ్చైర్జగాదేదం శ్లక్ష్ణమర్థవదుత్తమం॥ 1-200-59(8907)
ఇదం ధనుర్లక్ష్యమిమే చ బాణాః
శృణ్వంతు మే భూపతయః సమేతాః।
ఛిద్రేణ యంత్రస్య మసర్పయధ్వం
శరైః శితైర్వ్యోమచరైర్దశార్ధైః॥ 1-200-60(8908)
ఏతన్మహత్కర్మ కరోతి యో వై
కులేన రూపేణ బలేన యుక్తః।
తస్యాద్య భార్యా భగినీ మమేయం
కృష్ణా భవిత్రీ న మృషా బ్రవీమి॥ 1-200-61(8909)
తానేవముక్త్వా ద్రుపదస్య పుత్రః
పశ్చాదిదం తాం భగినీమువాచ।
నాంనా చ గోత్రేణ చ కర్మణా చ
సంకీర్తయన్భూమిపతీన్సమేతాన్॥ ॥ 1-200-62(8910)

ఇతి శ్రీమన్మహాభారతే ఆదిపర్వణి స్వయంవరపర్వణి ద్విశతతమోఽధ్యాయః॥ 200 ॥

Mahabharata - Adi Parva - Chapter Footnotes
1-200-7 జజ్ఞిరే జ్ఞాతవంతః॥ 1-200-17 వైహాయసమంతరిక్షగతం॥ 1-200-24 శింశుమారో జలజంతుస్తదాకారస్తారాసమూహాత్మకో విష్ణుస్తస్య శిరఃప్రదేశే ఐశాన్యాం దిశి। అతఏవ సా అపరాజితాదిక్ తాం దిశం ప్రాప్య న్యవిశన్॥ 1-200-25 తామేవ దిశమాత్ర ప్రాగితి॥ ద్విశతతమోఽధ్యాయః॥ 200 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.